متحف ولا مجمع

تدرون شنو فكرت وانا قاعد بحديقه لا وصار هالموضوع اهو موضوع اليوم وقعدت

اتناقش مع اهلي قعدنا نتكلم عن اهمية التراث حق اي بلد وشنو الاهم التراث ولا التطور يعني لو احد سألك شنو الاهم تهتم بالتراث ولا التطور يعني متحف ولا مجمع انا اقول متحف

ياجماعه انا الحين بتركيا وشفت شلون مع انهم انضمو حق الاتحاد الاوربي لكنهم ليلحين محافظين على كل اثارهم من ايام الدوله العثمانيه وحتى المساجد والكنايس مثل هذي

.........

انا اكثر شي غثني قبل فتره رحت زرت يوم البحار

وشفت بدال الهوازيه اللي قبل يدزونه بالقليلبه والدوارف لقيت هنود

الله قبل يدزنا الهوازي الطيب

ويقول هاذي زياده

واحنا نرد جذاب

والله ياجماعه قطر من حقهم يتطنزون علينا لو رحتو الدوحه وشفتو اشلون مهتمين بسوق الديره مالهم اللي مثل المباركيه وشلون مظبطينه والله جان تتحسفون قد شعر راسكم والله سوقهم مو طبيعي مع انهم طول عمرهم احنا بالنسبه لهم فوق وهم تحت ولكنهم اعرفو من وين تأكل الكتف

انا امنيتي اني اشوف مشروع تتبناه وزارة الاعلام ممثله بالمجلس الوطني للثقافه والفنون والاداب وهو مشروع تطوير وانشاء اماكن تراثيه تشرح تاريخنا ويخلون كل شي مضبوط مثل غيرنا مو بواببات السور اللي صايره احلى مكان حق الهندي علشان يواعد صاحبته

بس كافي

نبي اهتمام

اعتقال بجنوب السره

ما عرف شنو اللي قاعد يصير بالديره انا مسافر وقلبي معاكم

بس تكفون جني قاعد اشوف احداث فيلم مصري مو طبيعي

احنا بتوع الاتوبيس

ترى صج مو طبيعي حده عجيب عبدالمنعم مدبولي مبدع

زلزال

اعتقال امن دوله

رجل ضخم الجثه

شصاير

.....

جابر المبارك ساحب على الامه مادري وينه

تكفون الرجيب شلون صرح هالتصريح من صجه بقص على منو

ماده واضحه بالدستور اوضح من صلعته اللي يحاول يغطيها

.....

الماده 31

لا يجوز القبض على إنسان أو حبسه أو تفتيشه أو تحديد إقامته أو تقييد حريته في الإقامة أو التنقل إلا وفق أحكام القانون، ولا يعرض أي إنسان للتعذيب أو للمعاملة الحاطة بالكرامة

.....

اعتقال اي صحفي مو امر هين وكان المفروض يفكرون انهم بينفضحون الظاهر مايدرون شنو راح يصير عبالهم ينادونه ويعطونه طراقين وتخلص السالفه شنو قاعدين بسوريا

مادري شقول بعد اخاف ارجع بالمطار ويطيحون فيني البنات اللي يختمون الجوازات فناقر وبكسات ويودوني حق واحد معضل بغرفه مظلمه وبعدين ..........مايسويلي شي يقولي بالغلط واطلع ارجع البيت

تتوقعون تصير اذا اسنمرينا ساكتين على وزارة البهدله اللي مهمتها الحفاظ علينا