مصخره لازم ما تطوف

صج احنا مع القانون واستانسنا بعودة الهيبه منذ تولي جابر الخالد وزارة الداخليه وصج
الريال ليلحين مابذر منه شي(سوى التجنيس واللي صار اليوم)

اهو قاعد يطبق القانون وماعليه من اي شي ثاني
لكن
اللي شفناه اليوم بقناة الراي وشلون ماسكين العوازم ويداهمونهم
ياجماعه صراحه شي يحزن
على الاقل هذول كويتين تمسكهم وتقطهم جنهم خرفان احنا مانرضى لحد يقول قانون اي قانون اي بطيخ يخليك تمسك الشياب والشباب جنهم غنم وتحذفهم بالباصات
يعني مرجلتكم ماطلعت الا عليهم ترى عيب والله عيب شي انصدمت وانا اشوفه
والادهى والامر اهو انك تطلق صراحهم بعد نص ساعه وتكتبهم تعهد بما انك مو متأكد وماتبي تستجوبهم وماعندك اذن نيابه لييش هالعباله
اذا ودك تشغل شرطتك
الجليب تناديك والمنقف تدعوك وتقولك تعال تعال تعال ياحبيب القلب تعال
احنا مع القانون ومع المداهمات ولكن بدليل ودون شوشره ولكن انك تسحبهم جذي والله كبيره
وين قاعدين يدخلون عالناس ويتلونهم بدون اذن نيابه شنو قاعدين بالبصره ولا بالكويت
ياخي امسك الروس الكبيره وتعرف شالسالفه اما انك تسوي جذي ياجابر الخالد فهاذي كبيره
وخطأ لايغتفر .
ياخي ما انتم وبفضل رئيس مجلس الوزراء العظيم ناصر المحمد في جلسات حجب الحصانه عن النواب المطلوبين في قضايا فرعيات تمتنعون وليلحين مادري ليش تمتنعون يمكن ماتثقون بوزير الداخليه لأنه هو اللي رافع القضيه انزين اهو ليش يمتنع مادري
احس ان مجلس الوزراء ومبناه يسكنه شبح وجن مخهم ضارب يأثرون على وزرائنا المساكين
ملاحظه انا اتكلم عن الطريقه والاسلوب الخاطىء والدليل اطلاق سراحهم بعد اقل من ساعه يعني السالفه كلها غلى قولتهم فشوش
انا مع القانون ومع المداهمة وعدم انتظار النتايج اذا كانت مؤكده ومع هذا ضد التعسف

الدليل ان الحكومه فاقده وعي مرسوم التجمعات الاخير الظاهر الجماعه عندهم انفصال شخصيه ليش صدرتو هالمرسوم وهالقانون ماندري الظاهر المبنى فيه مرض معدي غير الجن وهو مرض التحرش ومرض حب عدم الاستقرار مادري منو الصاحي اللي عطاكم فكرة تصدير مرسوم قانون التجمعات بهالوقت
والله
ورب الكعبه
وقسما بالله
ان المجلس راح يرفضه اذا عرض عليه
والله
ورب الكعبه
وقسما بالله
ان ناصر المحمد يدري ان هالمرسوم بسوي شوشره
لأني اعتقد انه صاحي وواعي لكل الامور
واذا مايدري
هذي المشكله
انتهى